Një ish-ushtar tajlandez ka qëlluar nusen e tij dhe 3 persona të tjerë për vdekje para se të qëllonte veten në ditën e dasmës. Lajmin e ka konfirmuar policia për prestigjiozen BBC News.
44-vjeçari, Kanchana Pachunthuek dhe 29-vjeçarja Chaturong Suksuk u martuan të shtënën në Tajlandën verilindore. Sipas raportimeve të mediave të huaja, ai u largua papritmas nga dasma dhe u kthye me armë duke qëlluar gruan, nënën e tij 62-vjeçare dhe motrën e tij 38-vjeçare.
Plumbat që u hodhën në dasmë kanë goditur dhe 2 të ftuar, të cilët janë dërguar me urgjencë në spital. Njëri prej tyre, fatkeqësisht ndërroi jetë. Policia tha për BBC News se sipas informacioneve paraprake, dhëndri kishte qenë shumë i dehur, por motivi i ngjarjes së rëndë mbetet i paqartë.
Mediat tajlandeze, duke cituar atë që të ftuarit në festë i thanë policisë, thanë se çifti pati një debat gjatë festës. Ata raportuan se Chaturong ishte ndjerë i pasigurt për hendekun e moshës midis tij dhe Kanchanas.
Por policia tha se ky ishte ende spekulim, duke shtuar se ata kishin mbledhur prova dhe pritej që të mbyllnin çështjen së shpejti. Sipas mediave tajlandeze, Chaturong dhe Kanchana kishin jetuar së bashku për tre vjet para se të martoheshin./tvklan.al
