Masat e marra nga Qeveria po japin rezultate. Sipas të dhënave të fundit të Entit Shtetëror të Statistikave, në muajin mars kemi ulje të inflacionit, pra të kostos së jetesës.
“Krahasuar me muajt e mëparshëm, kjo është ulja më e madhe krahasuar me tetorin e vitit 2022, kur në vendin tonë filluan të rriten çmimet si të produkteve ushqimore ashtu edhe të energjisë. Inflacioni u ul me dy për qind krahasuar me një muaj më parë dhe në mars ishte 14.7%. Më e rëndësishme është që ka reduktim të transportit dhe ushqimit, që do të thotë se masat që po marrim po japin rezultat”, tha ministri i Ekonomisë, Kreshnik Bekteshi, duke komentuar të dhënat e fundit të Entit Shtetëror të Statistikave.
“Pagat po rriten, inflacioni, pra çmimet po ulen. Së bashku kujdesemi për standardin e jetesës së qytetarëve”, ka shkruar ministri Bekteshi në profilin e tij në Facebook. Sipas ESHS-së, ka rënie të indeksit të kostos së jetesës për bukën dhe drithërat, të cilat ishin më të ulëta për 4.7 për qind. Qumështi ka pasur një çmim më të ulët me 4.6 për qind dhe vaji dhe yndyrat me 2.4 për qind. Djathi dhe gjiza kishin një çmim më të ulët 2.2 për qind dhe frutat e freskëta dhe të ftohta me 1.2 për qind. Në muajin mars, peshku dhe prodhimet e detit kishin një çmim më të ulët me 0.8 për qind dhe vezët me 0.2 për qind.
