Kandidati për President nga Fronti Europian, Bujar Osmani ka ftuar përsëri në debat kundër kandidaten e tij nga VMRO – DPMNE, Gordana Siljanovska Davkova në debat, për t’i përballur argumentet e tyre rreth programeve të tyre që ofrojnë.
Osmani ka kritikuar programin e Siljanoskës, duke thënë se, fryma që shpërndan kjo parti e çon vendin në izolim.
“Ftoj znj Siljanovska Davkova, të paraqitet në debat me mua që të flasim për të gjitha argumentet për këto dy alternativa integrimi kundrejt izolimit. Sepse e dini vet shkelja e Marrëveshjes së Prespës, shkelja e Marrëveshjes për Fqinjësi të Mirë, shkelja e Marrëveshjes së Ohrit që ditën e parë do të sjellë izolim të këtij shteti. Kjo frymë që e promovojnë, na jepni 61 deputetë që të mos varemi nga shqiptarët, është vetëm tentim për supremaci të një bashkësie ndaj një tjetre”, tha Bujar Osmani.
Ndërkaq, Siljanovska gjatë tubimit që mbajti në Komunën Qendër, i është përgjigjur Osmani në lidhje me ftesën për debat.
“Nëse kjo është një koloni moderne, një protektorat, në të cilin është i rëndësishëm certifikata nga jashtë, që do të thoshte një politikan mjekësor apo mjek politik, i cili mendon për veten se është president evropian. Diçka e tillë nuk ekziston. Tani dëgjoj që edhe ai ka hedhur dorëzën dhe më sfidon në dyluftim. Ai nuk ka ide për atë çfarë fletë. Imagjinoni çfarë e ka më të rëndësishme? Politikanët të jetë të certifikuar. Kush e jep certifikatën? Ju, qytetarët, populli!”, tha Gordana Siljanovska.
Disa ditë më parë, iu kundërpërgjigj Osmanit se thirrja e tij për 61 deputetë nuk është nacionaliste dhe se këto zgjedhje nuk janë referendum për BE-në apo izolim, siç thotë Osmani./tvklan.mk
