“Mik i shqiptarëve, bën atë që thotë”
Në prag të zgjedhjeve të dyfishta të 14 majit në Turqi, Kryeministri Edi Rama ka shprehur mbështetjen e tij për presidentin Recep Tayyip Erdogan. Nëpërmjet një videomesazhi të publikuar në mediat turke, Rama veçon vizionin dhe punën e Erdogan për transformimin e vendit të tij.
Rama e konsideroi Erdogan si mik të ditëve të vështira, duke përmendur njohjen e pavarësisë së Kosovës, mbështetjen pas tërmetit 2019-ës dhe pandeminë.
“Për mua personalisht Presidenti Erdogan nuk është vetëm një mik i mirë në ditë të vështira, por edhe një lider politik shumë i veçantë, për faktin se thotë atë që bën dhe bën atë që thotë”.
Rama përdori edhe mesazhin e socialistëve për 14 Majin kur turqve u kërkon të mos kthehen mbrapa.
“Mospërkulja është pikërisht ajo që i është dashur e i duhet ende një vendi si Turqia. E cila në 14 maj duhet të vendosë mes vështirësisë për të vazhduar përpara dhe lehtësisë së kthimit mbrapa!
Për Ramën, roli i Erdogan ka qenë i rëndësishëm edhe në zgjidhjen e konflikteve rajonale.
Tv Klan
