I JEPET LAMTUMIRA E FUNDIT SHTATZËNËS QË U VRA PARA QKUK
Është vetëvrarë I kërkuari për vrasjen e gruas shtatzënë Sokol Halili.
Ministri I Punëve të Brendshme Xhelal Svecla ka bërë të ditur se policia e Kosovës ka arritur të lokalizj vendndodhjen e vrasësit dhe përkundër tentativës së zyrtarëve policor që të negociojnë dorëzimin, dorasi e ka vrarë veten.
Ndërsa në Lipjan i është dhënë lamtumira e fundit 35 vjecares Hamide Magashi.
Kryeministri Albin Kurti ka paralajmëruar dorëheqje e shkarkime të të gjitha atyre që kanë dështuar të kryejnë detyrën e tyre.
I gjithë zinxhiri institucional i papërgjegjësisë duhet të dorëhiqet ose hiqet.
Ministrja e Drejtësisë Albulena Haxhiu ka thënë se në rastin e vrasjes së 35 vjeçares në oborrin e Gjinekologjisë, ka pasur dështim zinxhiror.
Pas rasteve të fundit të vrasjeve presidentja, Vjosa Osmani-Sadriu ka ftuar takimin e Këshillit për Demokraci dhe të Drejta të Njeriut.
Përgatiti: Blerta Dalloshi Berisha
