Nuk është vetëm Gordana Siljanovska, krenar për fotografinë me eurodeputetin bullgar, Andrej Kovaçev është edhe Mickoski – thonë socialdemokratët, duke rikujtuar se Kovaçevi është një mohues i popullit maqedonas.
“Çfarë kanë të përbashkët Mickoski me Kovaçevin? Fotografitë flasin shumë. VMRO-ja bullgare dhe maqedonase punojnë në dëm të shtetit, bëjnë gjithçka për të bllokuar perspektivën evropiane të Maqedonisë”, thonë nga LSDM.
Kundërpërgjigjen nga VMRO-DPMNE-ja. Sipas tyre, Stevo Pendarovski ka rrënuar pozicionet e Maqedonisë dhe është inkurajuar personalisht nga Andrej Kovaçevi për të mbështetur qëndrimet bullgare.
“Personalisht Pendarovski dhe LSDM dolën me teza të shovenistëve më të mëdhenj bullgar, teza që askush në Bullgari nuk besoi se do të pranohen nga politikanët maqedonas, e që kufizohen me fantashkencë dhe para se të vijnë Pendarovski dhe LSDM-ja u kanë shërbyer vetëm për folklore vendor”, tha Mile Lefkov.
Përplasjet LSDM-VMRO DPMNE lidhur me fotografitë, nisën kur u publikoi një foto e kandidates së opozitës maqedonase, Gordana Siljanovska Davkova me eurodeputetin bullgar Andrej Kovaçev./tvklan.mk
