Luka Modriq dëshiron që të largohet nga Real Madridi në fund të sezonit, kur t’i përfundon kontrata aktuale pas 12 vjetëve.
Modriqi pritej që të largohej në sezonin e shkuar por e rinovoi kontratën edhe për një sezon tjetër. Kështu që ujdia aktuale do të skadojë në qershor të vitit 2024.
38-vjeçari nuk është duke luajtur si titullar këtë sezon dhe kjo është normale duke pasë parasysh moshën e tij.
Sipas medieve në Spanjë, mesfushori kroat mund t’i bashkohet një klubi në Ligën Saudite. Për klubet saudite, mosha dhe performanca nuk është një faktor i rëndësishëm për një lojtar.
Ata janë të interesuar për lojtarë klasë që ta bëjnë ligën atraktive.
