Miqësia mes Kylie Jenner dhe Anxhelina Hadërgjonajt po forcohet dita-ditës. Pas postimeve të tyre javën e shkuar nga koncerti i Beyonce në Paris, shoqëria e vajzave është bërë zyrtare edhe në komentet e Instagram-it.
Në fotot e fundit të publikuara nga këngëtarja, e cila ka përqafuar trendin “Barbiecore” me një kostum rozë, Kylie Jenner ka komentuar “seksi”. Përgjigja e Anxhelinës është “duke u përpjekur të bëhem si ti”.
Kujtojmë se në postimet e publikuara javën e shkuar, dy vajzat u bënë “matchy-matchy” me njëra-tjetrën dhe veshën këpucë të njëjta, ndaj s’do habiteshim po t’i shihnim ta bënin sërish./tvklan.al
