Ky është një sezon spektakolar i Erling Haaland me fanellën e Manchester City dhe sulmuesi vazhdon të thyejë rekorde javë pas jave.
Norvegjezi shënoi edhe në fitoren 2-1 të “Citizens” përballë Fulham, sukses që i dhuroi skuadrës së Guardiolës kreun e Premier League.
Me këtë gol Haaland arriti Alan Shearer dhe Andy Cole si golashënuesi më i mirë i kampionatit anglez në një sezon (për norvegjezin sezoni akoma nuk ka përfunduar) në kuotën e 34 golave.
Por jo vetëm, Haaland ka thyer edhe një rekord që ishte vendosur në vitin 1931. Sulmuesi shënoi golin e 50-të sezonal, duke u bërë lojtari i parë i një klubi anglez që arrin diçka të tillë që nga viti 1931.
