Vetëm 43,000 qytetarë të BE-së kanë marrë viza për punë, familjarë, studime ose qëllime të tjera në vitin 2021
Sipas një raporti, numri i qytetarëve të BE-së që lëvizin në Mbretërinë e Bashkuar është ulur që kur Brexit mbylli dyert për punëtorët me pagë të ulët.
Rënia dramatike e migrimit nga BE-ja ka goditur rëndë shërbimet e mikpritjes dhe mbështetjes. Por Observatori i Migracionit (MO) në Universitetin e Oksfordit dhe ReËage, një grup ekspertësh të pavarur, shprehen se edhe pse Brexit “përkeqësoi” mungesat e fuqisë punëtore në Britani, ky nuk ishte shkaku i vetëm.
Të dhënat tregojnë se vetëm 43,000 qytetarë të BE-së morën viza për punë, familje, studim ose qëllime të tjera në vitin 2021, sipas Zyrës për Statistikat Kombëtare. Nga ata që migruan në krahasim me udhëtimet për biznes apo turizëm në Mbretërinë e Bashkuar në vitin 2021, qytetarët e BE-së përbënin vetëm 5% të numrit. “Si rrjedhim, shifrat e disponueshme deri më tani tregojnë një rënie të madhe të imigracionit në BE”, sipas raportit të titulluar “Fundi i lëvizjes së lirë dhe fuqia punëtore me paga të ulëta në Britaninë e Madhe”.
Brexit është një ndër shkaqet kryesore të kësaj rënie por pandemia, pensioni i parakohshëm dhe mungesat ndërkombëtare të fuqisë punëtore gjithashtu faktorë që kontribuojnë. Raporti zbuloi se turizmi dhe sektorët me aftësi më të ulëta u goditën më keq nga fundi i lëvizjes së lirë të qytetarëve të BE-së në Britani. Sektori i hoteleri turizmit humbi 98,000 qytetarë të BE-së deri në Qershor 2021, dhe shërbimet mbështetëse, duke përfshirë pastrimin dhe mirëmbajtjen, ranë me 64,000 punëtorë të BE-së.
Në disa sektorë, duke përfshirë ndërtimin dhe shëndetin, numri i qytetarëve jo të BE-së u rrit. Ekspertët shprehen se shumë faktorë të tjerë ndikuan në ofertën dhe kërkesën, duke përfshirë taksat, pagën minimale, arsimin dhe trajnimin dhe vendimet për listat e profesioneve me mungesë.
Klan News
