Franca po përballet me thatësirë pas dimrit të saj më të thatë në 60 vjet. Pas një muaji pa shumë reshje, Franca është tashmë në gjendje alarmi. Ministri i Tranzicionit Ekologjik Christophe Béchu tha se zyrtarët do të mblidhen për të vlerësuar situatën në territor.
Sipas agjencisë kombëtare të motit “Météo-France”, viti i kaluar ishte më i nxehti i regjistruar në Francë. “Météo-France” tha se midis 21 Janarit dhe 21 Shkurtit nuk kishte pasur fare reshje.
Temperaturat e nxehta shkaktuan kushte thatësire nga të cilat shumë rajone ende nuk janë rikuperuar. Reshjet e borës në Alpet italiane janë ulur me 53% dhe nivelet e ujit në pellgun e lumit Po më të madh të Italisë janë 61% nën normale, sipas studiuesve.
Një gjendje e jashtëzakonshme u shpall Korrikun e kaluar në pesë rajone veriore që rrethojnë lumin Po për shkak të thatësirës së vitit 2022. Baticat e ulëta në Venecia kanë bërë që gondolat nuk janë në gjendje të lëvizin për shkak të kanaleve me baltë pa ujë./tvklan.al
