Legjenda e futbollit tetovar Qatip Osmani, sërish do të ulet në pankinën e klubit të futbollit Shkëndija.
Klubi futbollistik Shkëndija përmes rrjeteve sociale ka bërë të ditur se Qatip Osmani kthehet përsëri për të drejtuar klubin në periudhën që pason.
“Qato” kthehet në shtëpi! Trajneri që numëron 5 trofe me Shkëndijën do të drejtojë kuqezinjtë në periudhën që pason.
Ndryshe legjenda e ekipit kuqezi pas tre viteve sërish kthehet në folen e vetë atje ku ka arrituar sukseset me te mëdha si trajner duke fituar tre tituj kampion, një Kup dhe një Super kup ndërsa suksese ka pasur edhe në garat ndërkombëtare./KlanMacedonia/
