Më shumë se 60 fëmijë janë dërguar në spital në Xhamajka pasi kanë ngrënë ëmbëlsira që përmbajnë kanabis, tha ministrja e Arsimit i vendit.
Fayval Williams shkroi në X se disa fëmijë përjetuan të vjella dhe halucinacione, raporton BBC, transmeton Klankosova.tv.
Asnjë nuk raportohet të jetë në gjendje të rëndë.
“Mjekët dhe infermierët po bëjnë gjithçka që munden për të siguruar që studentët të shërohen”, shkroi Williams në X, duke shtuar se disa nga fëmijët duhej të futeshin në një pikim intravenoz (IV).
Agjencitë lokale të lajmeve kanë raportuar se nxënës nga një shkollë fillore janë prekur.
Fëmijët mendohet se janë nga mosha shtatë deri në 12 vjeç.
Drejtori i shkollës i tha Jamaica Observer se një “shitës i vetëm” ua kishte shitur ëmbëlsirat nxënësve të tij. /Klankosova.tv
