“Bildi” gjerman shkruan se eksperti spanjoll Xabi Alonso do të zëvendësojë Carlo Ancelottin në pankinën e Real Madridit sezonin e ardhshëm dhe se kjo është thuajse e sigurt.
Media gjermani thotë se presidenti i Real Madridit, Florentino Perez, ka rënë dakord për të gjitha detajet për sezonin e fundit të Ancelottit në pankinën e klubit dhe se trajneri aktual i Bayer Leverkusenit dhe ish-mesfushori i kësaj skuadre, Xabi Alonso, është favoriti i parë për të marrë drejtimin.
Ish-mesfushori spanjoll është aktualisht trajner i Bayer Leverkusenit dhe këtë verë u përfol për marrjen e disa prej klubeve më të mëdha në Europë, veçanërisht PSG-në, por ai vendosi të qëndrojë në stolin e aspirinave, të paktën për momentin. Bild thekson se ai është gjithashtu i vetëdijshëm për interesimin e Realit dhe se një sezon i tërë në pankinën e klubit gjerman mund të jetë i një rëndësie të madhe për të kur bëhet fjalë për përvojën.
Alonso mori Leverkusen në tetor të vitit të kaluar, kur skuadra ishte në zonën e rënies, dhe Alonso e çoi atë në vendin e gjashtë në fund dhe gjithashtu shkoi në gjysmëfinale të Europa League.
Ashtu si Ancelotti, Alonso ka edhe një vit në kontratën e tij. Ai është një ish-futbollist i cili ka luajtur për Real Madridin nga viti 2009 deri në vitin 2014, ndërsa sa i përket fillimit të karrierës së tij si trajner, që nga viti 2019 punoi në ekipin e dytë të Real Sociedad, ku e filloi karrierën e tij futbollistike 20 vite më parë.
