Kampionati në Ligën e parë volejbollit në kategorinë e meshkujve në Maqedoninë e Veriut ashtu si çdo vit edhe kësaj radhe pritet të fillon nga mesi i tetorit. Të gjitha klubet e volejbollit sipas mundësive që kanë dhe që do jenë pjesë e sezonit të ri 2023/2024 tani më kanë filluar me para përgatitjet në të gjitha aspektet për një fillim të mbarë dhe cilësorë të fazës përgatitore. Njëri ndër klubet me traditë të gjatë Klubi Volejbollit “Liria” e Zherovjanit, që drejtohet nga Hakik Ferati, deri më sot ka bërë disa lëvizje të mëdha sa i përket prurjeve të reja në ekip.
”Klubi ynë si gjithmonë i bënë parapërgatitjet e duhura para se të fillojmë me përgatitjet e rregullta për kampionatin deri 2023/2024, ka fundi i javës së parë të shtatorit. Deri më tani kemi angazhuar tre volejbollist cilësor nga skuadra nënkampione e Borecit të Velesit si Sasha Ivkoviq, Dejan Dimovski dhe Zare Kolev, ndërsa jemi në bisedime edhe me një volejbollist me përvojë jashtë vendit tonë, për çka opinion do të njoftohet sapo ta arrimë marrëveshjen. Dua të them se në kampionatin e ri pretendimet tona janë që të gjendemi në pjesën e epërme të tabelës” deklaroi Sadik Ferati trajner i ekipi Liria të Zherovjanit.
Sa i përket ekipeve që do garojnë në Ligën e Parë të volejbollit në kategorinë meshkujve në sezonin 2023/2024 do të dihet javën e kaluar pas afati për paraqitje të klubeve dhe lojtarëve skadon më 31 gusht./KlanMacedonia/
