ALARMOHET INTERPOL-i, POR EDHE GJITHË RAJONI
I gjithë rajoni është ngritur në këmbë bashkë me INTERPOL-in në kërkim të 14-vjecares Vanja Gjorçevska nga Shkupi, e zhdukur tashmë katër ditë.
Nëpër rrjetet sociale shpërndahet fotografia e 14-vjecares gjithandej rajonit, në Serbi, Bullgari, Greqi, Shqipëri e Kosovë duke bërë thirrje për ndihmë në kërkimin e saj.
Fotografi të 14-vjecares janë vendosur edhe nëpër rrugët dhe qendrën e Shkupit.
MPB-ja ka formuar një ekip të posacëm I cili punon në operacionin e kërkimit. Po kontrollohen kamerat e sigurisë, rrjetet sociale, celularët dhe të gjithë ata që mund të kenë informacione të nevojshme.
Nga MPB-ja janë të shqetësuar për shkak të rritjes së lajmeve të rreme nëpër rrjetet sociale që mund të dëmtojnë hetimet.
Policia kishte përgënjshtruar lajmet e plasuara se 14-vjecarja është gjetur në një vend fqinj. MPB-ja thotë se përkundër thirrjeve të shumta nga ana e policisë dhe prindërve të të miturës, vazhdojnë të plasohen dezinformata që mund të dëmtojnë hetimet. /KlanMacedonia/