25 VENDIME PËR SPECIALIZANTËT E DEGËS SË MJEKËSISË
Me rastin e 29 vjetorit të themelimit të Universitetit Shtetëror të Tetovës sot u bë edhe ndarja e vendimeve për specializantët në degën e mjeksisë, përcjell KlanM. Rektori Jusuf Zejneli tha se Universiteti edhe me tej do të vazhdojë mbështetjen e specializantëve të ri të cilët paraqesinë suskesë të madh.
“Do të ndajm vendimet për specializantët tanë. I jemi mirënjohës Ministrisë së Shëndetësisë për gjithë punën dhe bashkpunimin. Po sigurisht ne jemi në kontinuitet në bashkpunim dhe besoj se edhe ne vazhdimësi do të kemi edhe specializantë të ri”, tha Jusuf Zejneli.
Në fjalën e rastit, Ministri i Shëndetësisë, Fatmir Mexhiti potencoi se për herë të parë ndahen 25 vendime për specializantët në Fakultetin e Tetovës.
“Ndaj gëzimin me ju dhe me gjithë stdudentët dhe gjithë mjekët që janë të ri. Për herë të parë në histori, gjatë kohës derisa unë jam ministër, për Fakultetin e Mjekësisë në Tetovë ndahen 25 specializime”, tha Fatmir Mexhiti.
Universiteti i Tetovës do të vazhdoj të realizojë me aktivitetet për shënimin e 29 vjetorit të themelimin të saj./KlanMacedonia
