Trajneri i Chelsea-t, Graham Potter, është trajneri i katërt më i paguar në botë, përpara Carlo Ancelotti-t të Real Madrid-it. Trajneri i shumëkritikuar i Bluve madje fiton më shumë se paraardhësi i tij Thomas Tuchel në punën e tij të re në krye të Bayern Munichut.
Shifrat nga gazeta franceze L’Equipe zbulojnë se tre nga katër trajnerët më të mirë me pagat më të larta punojnë në Premier League. Potter thuhet se fiton 11,917,404 £ në vit.
Duke bërë një llogaritje, del se ai përfiton 993,117 £ çdo muaj, që është e barabartë me 229,180 £ në javë. Potter ka pasur një fillim të vështirë të jetës si trajner i Chelsea-t me ekipin e tij që ndodhet në vendin e dhjetë në kampionat.
Në 30 ndeshjet e tij në krye të klubit, ata kanë fituar 12, kanë barazuar 8 dhe kanë humbur 10. Vetëm trajneri i Atletico Madrid, Diego Simeone, Pep Guardiola i Manchester City-t dhe trajneri i Liverpool-it, Jurgen Klopp, paguhen më shumë se Potter.
Simeone kryeson listën, duke marrë 29.8 milionë £ në vit. Pep Guardiola vjen i dyti me 19.7 milionë £ dhe Klopp është i treti, me 15.7 milionë sterlina.
Pas Potterit është trajneri i Juventus-it, Max Allegri me 11.3 milionë £ në vit. Tuchel kompleton gjashtëshen e parë pasi së fundmi nënshkroi një marrëveshje fitimprurëse me Bayern ku supozohet se do të marrë në shtëpi 10.5 milionë £ në vit.
Çuditërisht, fituesi i Champions League Carlo Ancelotti është i shtati me pagën e tij prej 9.6 milionë £. Në vendin e tetë dhe të nëntë gjejmë Simone Inzaghi i Inter-it dhe Jose Mourinho i Roma-s.
Në përfundim të listës së trajnerëve më të paguar të futbollit botëror janë tre emra befasues. Xabi Alonso është pjesë e listës pavarësisht se roli i tij në ekipin gjerman Bayer Leverkusen ishte puna e tij e parë e lartë në menaxhim.
Duke qëndruar në Bundesliga, Niko Kovac i Wolfsburgut vjen në vendin e njëmbëdhjetë. Pas tij është trajneri i Barcelonës, Xavi. Ai fiton 3.4 milion £ në vit dhe nuk është më lart në renditje për shkak se ai supozohet se ka pranuar një ulje page për të ndihmuar klubin të balancojë llogaritë ndërsa katalanasit luftojnë problemet e vazhdueshme financiare.
