Të paktën 10 persona kanë humbur jetën dhe mbi 30 të tjerë janë plagosur pas një zjarri që shpërtheu në një kompleks hoteli dhe kazinoje në Kamboxhia.
Zjarri shpërtheu në qytetin Grand Diamond në Poipet, i cili është në kufi me Tajlandën, në orën 23:30 me orën lokale të së mërkurës.
Rreth 400 persona ndodheshin në hotel në momentin e zjarrit dhe pamjet tregojnë njerëz që hidheshin nga kati i pestë për t’i shpëtuar zjarrit.
Një pjesë e ndërtesës besohet se është shembur dhe ka dëme të mëdha. Zjarri ishte aq i egër sa ekipet e shpëtimit u hodhën përtej kufirit, por vapa ishte aq e fortë sa nuk mundën të hynin në hotel.
Deri në orën 8:30 të mëngjesit, 53 persona ishin shpëtuar, megjithëse kombësia e të ftuarve nuk dihet aktualisht.
Zëdhënësi i zjarrit Patcharin Thaenthon tha për CNN: “Kur mbërritëm, nuk mundëm të hynim sepse zjarri kishte pushtuar tashmë ndërtesën”. Ai tha se shumë prej viktimave duket se kanë vdekur nga thithja e tymit.
Raportet e pakonfirmuara në mediat sociale thonë se zjarri ishte i pa kontrolluar në kompleksin e hotelit dhe kazinosë për rreth gjashtë orë. Stafi i kazinosë shpëtoi duke ecur në parvazet e ndërtesës, ndërsa një turmë njerëzish u mblodhën jashtë për t’i ndihmuar ata të zbrisnin.
Disa nga të plagosurit u transferuan në spitalet në provincën Sa Kaeo të Tajlandës, tha një zyrtar i ministrisë së jashtme tajlandeze. /tvklan.al
