“Swiftology”, Taylor Swift është tashmë një lëndë psikologjie

Sipas Alexandra Wormley, e cila do të udhëheqë mësimdhënien e kësaj lënde, “kur studentët lidhin materialin mësimor me jetën e tyre, rrit përthithjen dhe është më e lehtë për t’u mbajtur mend”.

Ideja për të sjellë një lëndë të tillë në universitet erdhi thjesht nga një bisedë me asistentët e saj, të cilët thanë me shaka se “do ta pëlqenin shumë një kurs rreth Taylor Swift”. Wormley hartoi një plan se si mund të ishte një kurs i psikologjisë së avancuar me Taylor Swift dhe departamenti e miratoi.

Ndërkohë në rrjetet sociale, lajmi është pritur me entuziazëm nga fansat e këngëtares që janë shprehur se do të regjistroheshin sa hap  e mbyll sytë.

Kjo nuk është hera e parë që këngëtarja bëhet pjesë e lëndëve mësimore. Universiteti Clive Davis në Nju Jork ka gjithashtu një lëndë të dedikuar asaj si artiste.  Universiteti  Stanford ofron studimin e këngës “All Too Well (Ten Week Version)” si një analizë të thelluar. Së fundmi, një universitet në Belgjikë, kursi  “Literature: Taylor’s Version” do të krahasojë temat në këngët e Swift me ato të trajtuara në librat e shkrimtarëve të mëdhenj./tvklan.al