MK
MK
Hand-Picked Top-Read Stories
Trending Tags

Sulmi fizik ndaj kryetarit të Haraçinës, policia arreston tre persona

Klan Macedonia
13.09.22 19:51
Total
0
Shares
0
0
0
0

Gjate ditës së sotme është raportuar se është sulmuar fizikisht kryetari i komunës së Haraçinës, Ridvan Ibraimi.

Pas raportimit te rastit ne polici nga ana e MPB jane arrestuar tre persona.

Sot (13.09.2022), zyrtarët policorë të Njësisë për Krime të Dhunshme në SPB Shkup kanë ndaluar personat me iniciale R.A., R.A. dhe B.A. pas një raportimi të mëparshëm mëngjesin e sotëm nga personi me iniciale R.I. se është sulmuar fizikisht nga ata në zyrën e tij në komunën e Haraçinës. Është njoftuar prokurori publik dhe në koordinim me Prokurorinë Publike të Shkupit, pas dokumentimit të plotë të ngjarjes, kundër tyre do të bëhet kallëzim penal për veprën penale “Dhunë” nga neni 386 i Kodit Penal thuhet ne njoftimin e MPB-së.

PROGRAM I PAGUAR POLITIKË 1180x200

Ndërsa rreth ngjarjes është prononcuar edhe vet Ibraimi nëpermjet rrjetit social facebook.

Të nderuar banorë të komunës së Haraçinës dhe ju opinion më i gjerë, fatkeqësisht, sot më datë 13.09.2022 (e martë), në orët e para të fillimit të orarit të punës, gjatë kryerjes së detyrës zyrtare si kryetar i komunës së Haraçinës, pa pritur isha objekt-sulmi nga një grup i personave të papërgjegjshëm, të pandërgjegjshëm e të paturpshëm, të cilët tash më janë të njohur për organet e rendit.
Pa asnjë paralajmërim e sqarim, grupi menjëherë u vërsul në sulm, i cili fillimisht ishte verbal, e më pas edhe fizik, gjë që përbën vepër e rëndë penale sipas kodit penal të RMV-së.
Arsyet e sulmit ishin mosrealizimi i kërkesave të tyre personale e biznesore. Gjoja me veprimet e mia si kryetar komune ua prishi hesapet e tyre. Fillimisht kërkojnë që emërimet e drejtorëve të shkollave fillore të bëhen sipas kërkesave të tyre, duke mos plotësuar asnjë kriter ligjor, por përmes së cilëve do të munden që më me lehtësi ti realizojnë qëllimet si dhe të jenë në shërbimin e tyre. Synimet e këtij grupi janë me prapavija të këqija,e që janë në dëm të banorëve të komunës, duke kërcënuar e shantazhuar ekipet e shumta që i kryejnë obligimet e veta, e që janë pjesë të projekteve të ndryshme.
Këtij grupi njerëzish të pandërgjegjshëm si dhe shumë të tjerëve, ua bëj me dije se, qëllimi im i kandidimit për kryetar komune nuk ishte se unë erdha nga rrugët, i papunë, e as që të pasurohem ose të lidhem me biznese të ndyta ashtu siç dikush ka patur pretendime, por qëllimet e mia dhe të stafit tim ishin dhe janë fisnike e të pastërta nga çdo pluhur kriminel.
Pa mare parasysh se çfarë natyre mund të jenë sulmet, qofshin ata verbale, fizike, mediatike apo virtuale, kthim nga kjo rrugë e shenjtë që e kemi nisur nuk ka. Këtë është mirë që ta fusin në kokat e tyre të gjitha ata që dëshirojnë të përfitojnë kurriz të popullit.
Ne edhe gjatë fushatës zgjedhore dhamë zotimin tonë se KURRËN E KURRËS nuk do ta zhgënjejmë popullin që e përfaqësojmë. Andaj, nuk ndalemi së realizuari projekte kapitale për banorët e komunës së Haraçinës. Bëjmë përpjekje maksimale që çdo banori ti ofrojmë kushte sa më të mira për një jetesë normale.
Sulmet e këtilla ende më tepër na përforcojnë në këtë rrugë, e assesi të na frikojnë.
Andaj, u bëj apel, fillimisht familjarëve më të afërt, më pas shokëve e dashamirëve, mbështetësve e përkrahësve, të gjitha atyre që ndjekim këtë rrugë bashkërisht, që mos të bien preh e provokimeve të tilla të ulta nga njerëz të papërgjegjshëm, të pandërgjegjshëm, të paturpshëm, që kanë humbur orientimin e tyre jetësor, që kanë humbur qëllimin e jetës së tyre.
Rruga jonë e përbashkët është “Me dinjitet e me nderë i shërbejmë popullit tonë”.
Po ashtu, meqë tash më i kemi të gjitha provat e këtij rasti të turpshëm, ftoj organet kompetente, ato të ndjekjes dhe rendit publik, që të ushtrojnë detyrën e vet zyrtare dhe personat përgjegjës për këtë vepër të rëndë penale të dalin para organeve të drejtësisë dhe një herë e përgjithmonë, secili që ka synime të tilla kriminale, të merr dënimin e merituar.

Ndersa sot ekipi  i Klan M Kryetari i Komunës është në gjendje të mirë shëndetësore dhe se menjëherë iu është kthyer obligimeve të përditshme në komunë.

Ibrahimi për tv KlanM deklaroi se ngjarja që ndodhi nuk do ta zmbraps nga plani për zhvillimin e Haraçinës deri në fund të mandatit./KlanMacedonia/

 

PROGRAM I PAGUAR POLITIKË 300x250
Lexo gjithashtu
Total
0
Share
0
0
0
0