Duro – Fitore që do mbahet mend si fitore historike
Struga Trim Lum me dy fitore kundër kampionit të Malit Zi, ekipit të Buduqnostit pa dyshim se është një e arritur e madhe e një skuadre që është e themeluar vetë para tetë viteve. Kjo do të thotë se viti 2023 pë Struga Trim Lum do të shënohet me shkronja të arta pasi u fitua titulli kampion i Maqedonisë së Veriut, luajti në finale e Kupës dhe ja tani arrnë në turin e tretë të UEFA Konferencë Liga.
Trajneri i ekipit Shpëtim Duro i cili është edhe më meritori për gjithë këtë sukses të ekipit për tvklan.mk, deklaroi: “Fitore që do mbahet mend si fitore historike që kalon përherë të parë në turin e tretë”.
Kampini i Maqedonisë së Veriut, Struga Trim Lum, ndeshjen e parë të turit të tretë kundër ekipit Hesperange të Luksemburgut, do ta zhvilloi në cilësinë e vendasit në stadiumin “Biljanini Izvori” në Ohër, më 10 gushtë me fillim në orën 19:00, ndërsa ajo kthyese do të luhet më 17 gushtë, po në orën 19:00, në stadiumin “Stade Alphonse Theis” në Hesperange. /KlanMacedonia/
