“Të gjitha shtetet kanë mafien e vet, por në Maqeodni ka rrezik që mafia të ketë shtetin e vet! Beteja me mafien duhet të jetë pa kompromis, shumë e vështirë, por duhet të fillojë, sepse krimi dhe korrupsioni janë sistematik. Ndërkaq, persona që u ngjasojnë atyre të mafies kanë krijuar fole në pozitat më të larta dhe ata me veprim apo mosveprim, me shikim dhe ndihmim janë gjithashtu bashkëpunëtorë”, theksoi kandidatja presidenciale e VMRO-DPMNE-së, Gordana Siljanovska Davkova në tubimin e sontëm në Aerodrom.
Ajo theksoi se zgjedhjet e 24 prillit vijnë si paralojë sepse atëherë gjërat do të qartësohen, ndërsa tërësisht do të spastrohen më 8 maj.
Ajo foli edhe për tubimin e sotëm të LSDM-së dhe kandidatit të tyre presidencial, Stevo Pendarovsski para Info Qendrës së BE-së në Shkup.
Lideri i VMRO-DPMNE-së, Hristian Mickoski, ndërkaq, në tubimin në Aerodrom porositi se zgjedhjet e ardhshme janë deklarim referendumi i qytetarëve të Maqedonisë së Veriut që sërish ta kthejnë shtetin. Ai pret fitore zgjedhore edhe më 24 prill edhe më 8 maj, kaolicioni i kryesuar nga VMRO-DPMNE të fitojë 61 deputetë dhe të vijë deri tek ndërrimi i pushtetit.
Mickoski tha se është i bindur se ajo që do të ndodhë pas 8 majit do të jetë çlirim i Maqedonisë dhe bashkim i rreth pesë parimeve të rëndësishme.
