EVAKUOHEN NJERËZ NGA RAJONET E GODITURA
Në Serbi situatë e jashtëzakonshme është shpallur në mbi 40 komuna për shkak të motit të lig, njofton KlanM.
Reshjet e rrëmbyeshme të shiut kanë shkaktuar probleme të mëdha. Zjarrfikësit dhe ekipet e shpëtimit, sic percjell KlanM, janë në terren në gjithë vendin, kurse janë evakuar rreth 100 njerëz nga rajonet e goditura nga përmbytjet.
Në rajonin e Kralevës është dëmtuar një urë, kurse dëme të mëdha materiale janë shkaktuar në rajonin e Çaçakut.
Auoritetet serbe thanë se për shkak të dëmtimeve në Novi Pazar ushtria do të ndërtojë një urë pontonike.
Nivelet e lumejve në zonat e Serbisë qendrore, sic percjell KlanM, janë rritur maksimalisht kurse situatë më kritike paraqitet në rajonin e Jagodinës, kurse përmbytjet lëvizin drejt Kurshumlisë dhe Prokuples.
Metereologët presin reshje më intensive në pjesët qendrore dhe juglindore të Serbisë, kurse bëhet thirrje për kujdes nëpër rrugët e rajoneve të goditura.
