Princi i kurorës saudit u takua sot me presidentin e Emirateve të Bashkuara Arabe, sipas mediave shtetërore.
Agjencia shtetërore saudite e lajmeve SPA tregoi pamjet e princit të kurorës Mohammed bin Salman, sundimtarit de fakto të mbretërisë, duke përshëndetur presidentin e Emirateve të Bashkuara Arabe, Mohammed bin Zayed Al Nahyan në aeroportin e Riadit.
Dy shtetet e Gjirit thuhet se kanë punuar për të kapërcyer mosmarrëveshjet e tyre mes një konflikti që kërcënon të përfshijë Lindjen e Mesme, raporton Skynews, transmeton Klan Kosova.
Takimet publike midis princit të kurorës dhe Sheikh Mohammedit kanë qenë të pakta në vitet e fundit pasi aleatët e ngushtë konkurrojnë për investime dhe ndikim rajonal.
Sheikh Mohammed gjithashtu mori pjesë në një samit midis Këshillit të Bashkëpunimit të Gjirit (GCC) dhe Shoqatës së Kombeve të Azisë Juglindore (ASEAN) në Riad sot, thanë media shtetërore saudite dhe Emiratet e Bashkuara Arabe.
