“RUSSIA TODAY” DHE “SPUTNIK” MINOJNË RMV-në”
SHBA-të kanë vërejtur se mediat shtetërore ruse “Russia Today” dhe “Sputnik” ende janë duke punuar në Serbi dhe përdoren për të minuar Maqedoninë e Veriut – ka deklaruar në intervistën për “Zërin e Amerikës”, Xhejms Rubin, përfaqësuesi i posaçëm dhe koordinatori i Qendrës për angazhim global pranë Departamentit Amerikan të Shtetit, njofton KlanM.
“Zbuluam se për shkak të ekzistimit të “Russia Today” dhe “Sputnik” në Serbi, kjo shfrytëzohet për implikime në Maqedoninë e Veriut. U dakorduam me qeverinë e RMV-së të nënshkruajmë Memorandum për mirëkuptim. Tani mbetet që të punojmë me Qeverinë e RMV-së për t`i ndihmuar që ta ndjekin integritetin në hapësirën e tyre informative, të përpiqemi të tregojmë se dora e fshehur e Rusisë përzihet në hapësirën e tyre informative” – tha Xhejms Rubin, qendra për angazhim global – DASH.
Rubin, sic percjell KlanM, ka theksuar se Maqedonia e Veriut është vendi i parë me të cilën SHBA-të kanë nënshkruar memorandum për mirëkuptim të ndërsjelltë në luftën kunër dezinformatave, kurse marrëveshje në këtë fushë planifikohen të nënshkruhen edhe me vende tjera, mes tyre Bullgarinë dhe Sllovakinë.
