Real Madridi ka kaluar në gjysmëfinale të Ligës së Kampionëve, pasi eliminoi Manchester Cityn, pas ekzekutimit të penaltive.
Të parët në epërsi kaluan mysafirët me anë të Rodrygos, në minutën e 12’. Me këtë rezultat u krye pjesa e parë.
Në pjesën e dytë vendasit u kthyen në lojë me anë të Kevin de Bruynes, në minutën e 76’.
Kështu koha e rregullt përfundoi me rezultat të përgjithshëm 4-4 nga dy sfidat.
Ndeshja më pas shkoi në vazhdime por nuk prodhoi gola. U deshën penaltitë që të vendosej fituesi, ku më të saktë ishin madrilienët.
Katër herë ishin të saktë lojtarët e Realit kundrejt atyre të Cityt që ishin tre.
Penaltinë vendimtare e realizoi Antonio Rudiger.
Real Madridi në gjysmëfinale do të ballafaqohet me Bayern Munich, për një vend në finale. /Klankosova.tv
