Kryeministrja Brnabic akuza Albin Kurtit
Kryeministrja e Serbisë, Ana Brnabic, ka thënë se javën e ardhshme do të mbahet një takim tjetër me serbët e Kosovës. Sipas Brnabic është e tmerrshme që tensioni po rritet sërish në veri.
Ana Brnabic ka deklaruar për mediat serbe se numri i provokimeve nga ana e shqiptarëve në veri të Kosoves është në rritje ndërsa komuniteti ndërkombëtar është ende i heshtur. Ajo paralajmëroi se javën e ardhshme në Beograd do të mbahet një takim tjetër me serbët e Kosovës.
“E kam të lehtë të them nga Beogradi: “Njerëz, rrini të qetë”, ndërkohë që ata po keqtrajtohen çdo ditë, se po u vjedhin tokën, se në veri po ndërtohen baza ushtarake”, tha Ana Brnabic.
Brnabic paralajmëroi se formimi i Asociacionit të Komunave Serbe, të cilit Prishtina i shmanget në çdo mënyrë, është pritur për 10 vite.
Kryeministrja shtoi se presidenti i Serbisë, Aleksandar Vuçiç, po lufton për paqen dhe për këtë arsye është pre i sulmeve nga opozita ne vend./KlanMacedonia/
