Sado miq të ngushtë, do ketë edhe zënka apo jo? Psikologia e njohur britanike Donna Morgan, tha se shumica e marrëdhënieve miqësore janë të njëanshme.
“Një miqësi ku njëri person investon vazhdimisht emocionalisht mund të çojë në ndjenja pakënaqësie dhe nënvlerësimi,” tha ajo. Ajo merr shembull, anulimet e takimeve në moment të fundit ose premtimet që nuk mbahen, të cilat jo vetëm thyejnë besimin, por miqësia nuk mund të jetë kurrë më e njëjta.
Aq më tepër një mik narcist, i cili e bën këdo të ndihet i parëndësishëm.
“Kur një person në një miqësi dominon sistematikisht bisedat, duke u fokusuar kryesisht në përvojat e veta dhe duke treguar pak interes për të tjerët, kjo mund t’i lërë miqtë e tyre të ndihen të parëndësishëm,” tha Morgan.
Nëse do të mbash një miqësi të shëndetshme, duhet dëgjuar gjithnjë këndvështrimi i palës tjetër, dhe gjërat duhen thënë, por në formë delikate.
Sjelljet që ne mbase nuk i kuptojmë, por tregojnë mungesë respekti ndaj shoqes/shokut të ngushtë:
-Sjellje e çrregullt ose e paqëndrueshme
-Anulimet e takimeve minutën e fundit
-Thyerja e premtimeve
-Mungesa e përpjekjes
-Pamundësia për të komunikuar
-Narcizmi
-Mungesa e besimit
-Mosdëgjimi i këshillave
-“Nxjerrja e sekreteve”
/tvklan.al
