Cristiano Ronaldo ka përfunduar në vorbullën e akuzave te Al Nassr. Portugezi nuk ka përmbushur pritshmëritë, duke rritur pakënaqësitë në radhët e klubit arab. Madje sipas asaj që raportohet në media, Ronaldo ka marrë fryerje nga presidenti i klubit, Musalli Al-Muammar.
Ky i fundit duket se është shprehur tepër i revoltuar me portugezin, të cilin e konsideron si dështim. “Më kanë mashtruar dy herë në jetën time. Herën e parë kur pagova tre qebapë dhe më dhanë dy, herën e dytë kur mora Cristiano Ronaldon,” mësohet të ketë thënë numri 1 i klubit të Al Nassr. Fjalë që sigurisht kanë bërë xhiron e Botës, pavarësisht se janë mohuar nga zyrtarët e lartë të klubit.
Gjithsesi ku ka zë nuk është pa gjë thotë populli dhe kaq ka mjaftuar që 38-vjeçari të bëhet gati ndoshta për një largim. Fundi i sezonit mund të sjellë prishje të kontratës që skadon në vitin 2025, e ku Ronaldo përfiton 200 milionë euro në sezon.
Klan News
