17-vjeçari u vra sepse nuk iu bind urdhrit të policisë
Protestat dhe trazirat shpërthyen në Paris pasi policia qëlloi për vdekje një 17-vjeçar, i cili nuk iu bind urdhrit të policisë rrugore për të ndaluar.
Një video që qarkullon në rrjetet sociale tregon një oficer policie që i drejton armën shoferit të një makine, përpara se të dëgjohet një e shtënë.
Pavarësisht ndihmës së stafit mjekësor, adoleshenti ndërroi jetë si pasojë e plagëve të marra. Efektivi i policisë ndodhet në paraburgim dhe mbi të rëndon akuza e vrasjes.
Sipas gazetës Le Monde, policia pretendon se adoleshenti e drejtoi makinën e tij drejt tyre me qëllim që t’i lëndonte, por familjarët e të riut i hodhën poshtë ato.
Kjo është vrasja e dytë fatale në rrethana të tilla për këtë vit.
Klan News
