Rritje të pensionit minimal me pagën minimale dhe rrritje lineare të të gjitha pensioneve kërkuan pensionistët në protestën e sotme.
Në protestën, që u mbajt në Parkun e gruas, në Shkup pensionistët theksuan se nuk bëhet fjalë për protestë partiake por ekzistenciale.
Sipas tyre, vlera momentale e pensioneve nuk mjafton për një jetë të denjë.
Konform Metodologjisë së re për llogari të pensioneve, në mars pensioni mesatar nga 17.666 denarë është rritur në 19.150 denarë.
