Lëvizja Besa gjithmonë ka shtrirë dorën e bashkëpunimit, sipas Besa Kadriut, sa i përket Aleancës për Shqiptarët. Sipas saj, edhe në rastin konkret për zgjedhjet e ardhshme parlamentare, Lëvizja Besa dhe opozita shqiptare e kanë bërë detyrën në raport me ASH-në, ndërsa i takon kësaj të fundit që të vendosë nëse do t’i bashkohet opozitës apo do të mbesë me BDI-në.
Besa Kadriu në Klan Debat kujtoi zgjedhjet e fundit për Këshillin e Komunës së Tetovës, kur nga inatet personale e politike, sipas saj, ASH vendosi të dalë e vetme duke refuzuar koalicionin me Lëvizjen Besa. Rezultatit i atyre zgjedhjeve ishte “zero këshilltar” për ASH-në, ndërsa Lëvizja Besa arriti ta fitojë shumicën e këshilltarëve.
“Në qoftë se ASH e ndjen komoditetin të jetë pjesë e këtij pushteti dhe kësaj qeverie, pse duhet ne gjithmonë t’i rehabilitojmë ata si njerëz që e përfaqësojnë një pushtet. Në qoftë se gatishmëria e tyre si subjekt politik e shohin më shumë të arsyeshme të veprojnë asisoj, ne nuk duhet t’i nxisim ato që t’iu themi gjithmonë ‘ejani, ejani me ne sepse ne jemi opozitë’. Kanë ato strukturë
