Një person ka humbur jetën mbrëmë pas djegies së një vagoni-cisternë në afërsi të stacionit hekurudhor në vendbanimin Ilinden në Shkup.
Nga Brigada Territoriale e Zjarrfikësve, e cila ka intervenuar në vendin e aksidentit, kanë thënë për MIA-n se në vagon ka pasur një person të vdekur, me gjasë nga elektroshoku.
Në terren janë dërguar dy automjete dhe shtatë zjarrfikës.
Ministria e Punëve të Brendshme ka njoftuar se rasti është raportuar në orën 21:05 në njësinë policore në Petrovec.
“Në ora 21:05 në DP-Petrovec, S.K. ka raportuar se në vendbanimin Ilinden afër stacionit hekurudhor në depon e “Makpetrol”-it nga ana e personave të mitur është djegur një cisternë. Dy të miturit ndodhen në shtëpinë e tij dhe pas bisedës me fëmijët është bërë me dije se në cisternë me siguri ndodhet një femër e mitur dhe se ajo ka vdekur”, njoftojnë nga MPB.
Në vendngjarje kanë shkuar nëpunësit e policisë dhe po kryhen hetimet. Më shumë detaje nga Ministria e Brendshme njoftojnë për më vonë.
