“Pranverë dashurie-Proljeće ljubavi” përurohet në Velika Goricë, prefektura e Zagrebit, libri me poezi në gjuhën kroate i poeteshës Sadije Aliti, në kuadër të porgramit për Ditën e Flamurit, dhe libri “Trashëgimia etnokulturore e Rekës së Epërme” autore Zejna Halimi.
Festa e shënimit të 110 vjetorit të Pavarësisë së shtetit shqiptar në Velika Goricë, prefektura e Zagrebit tuboi shqiptarë nga gjitha trojet shqiptare. Një program i larmishëm e i bukur u mbajt në Qendrën për kulturë në këtë qytet organizua nga Këshilli i pakicës shqiptare i udhëhequr nga Memedali Zenuni, i cili ishte edhe organizatori kryesor. Agjenda e programit krahas përshëndetjeve protokollare nga të pranishmit dhe nga drejtuesit e institucioneve vendore, ishin planifikuar promovime të librave dhe një koncert folklorik nga SHKA “Reka e Epërme” dhe nga një ansambël vendor.
Në mesin e fjalëve përshëndetëse ishin edhe fjalimet e ambasadorëve të Republikës së Shqipërisë, z.Riza Poda i cili faleminderoi organozatorët për këtë përvjetor dhe solli urimet e përzemërta nga shteti shqiptar. Ambasador i Republikës së Maqedonisë së Veriut në Zagreb z.Milaim Fetai, theksoi se bashkëpunimet e këtilla kulturore i afrojnë popujt dhe banorët e këtij vendbanimi, njohin traditën dhe të kaluarën, duke ndërtuar të ardhmen e popujve në rajon.
Programin e moderoi Gentiana Lleshdedaj, në gjuhën kroate dhe shqipe. Recensionin e shkruar nga Rami Kamberi për poezitë e librit në gjuhën kroate i prezentoi Ljiljana Gashi-Koci, poete, njëherit ajo lexoi edhe poezi nga Libri “Pranverë dashurie-Proljeće ljubavi” të përcjellura me kavall nga Adnan Aliu. Shuip Ziberi foli rreth poezive të librit në gjuhën shqipe.
“Poezia, arti e kultura i afrojnë njerëzit mes tyre, ndërtojnë ura miqësie dhe njohin kulturën, traditën dhe historinë e popujve, në këtë rast mes popullit shqiptar dhe kroat, është një nder i veçantë festa për të realizuar promovimin e librit në këtë mes në kuadrë të festës së Flamurit dhe festave të fundvitit”-tha mes tjerash poetja Aliti.
Libri me poezitë e përkthyera e të botuara në shqip e kroatisht u shpërndanë në Bibliotekat e qyteteve aty ku edhe ekziston këndi për libra në gjuhën shqipe, në Zagreb, Vilak Goricë, Rijekë e qytete tjera si dhe në ato shkolla ku nxënësit mësojnë edhe në gjuhën shqipe.
“Trashëgimia etnokulturore e Rekës së Epërme” autore Zejna Halimi, ishte libri që u përurua edhe në këtë aktivitet. Autorja para të pranishmëve sqaroi punën qe e ka realizuar në teren me vite të tëra deri sa e ka finalizuar këtë libër të ndarë në disa kapituj ku janë të përfshira rite familjare, të dasmës, ceremonia mortore, këngë popullore, fjalë të urta, gjëegjëza, anektoda dhe shumë të dhëna të tjera të rëndësihme popullore. Një pjesë të veçantë përfshin edhe përshkrimi i fshatrave të Rekës së Epërme, të ilustruara me fotografi.
Në skenë u paraqitën pjesëtarët e SHKA “Reka e Epërme” me veshje popullore karaktersitike për këtë trevë me një program të pasur kulturo-artisitk, me mjeshtrin e kavallit, fyellit, okarinës, gajdes, Adnan Aliu nga Gostivari, mjeshtrin Emin Xhaferi dhe grupi folkrorik Reka e Epërme me vallet, këngët dhe veshjet e bukura komëtare.
