Vetëm një fitore e skuadrës vendase dhe katër të atyre mysafire është epilogu i pesë ndeshjeve të kampionatit amerikan të basketbollit NBA. Derbi i dy skuadrave prtenedente për kryesues në tabelën e klasifikimit në Konferencën e Perëndimit mes Minnesotës dhe Denver ka përfunduar me fitoren e skuadrës mysafire me rezultatin 115-112, një sfidë e ekuilibruar deri në fund, ku të dyja ekipet dueluan për fitoren. Lojtari më efikas në këtë përballje ishte serbi Nikola Jokiq i cili realizoi 35 pikë e 16 kërcime, mbështetur edhe nga Porter i cili realizoi 26 pikë. Ndërsa për Minnesota, Edwards realizoi 30 pikë e McDaniles 26,.
Dallas në transfertë shënoi fitore bdaj San Antonio me rezultatin 113-107 . Basketbollisti veteran Kyrie Irving realizoi 28 pikë. Mirë u paraqit edhe Luka Donçiq me një “triple double” me 18 pikë, 10 kërcime e 16 asist.
Fitore të sigurtë në transfertë ka shënuar ekipi i Houston, kundër Washingtonit me rezultatin 137-114. Diferencën e bëri Jalen Green me 42 pikë. Ndërsa Orlando, në cilësin e vendasit mundi Charloten me rezultat 112-92 , falë 62 pikëve të realizuara nga lojtarët e rezervë. Në Perëndim aktualisht kryeson Oklahoma me 47 fitore e 20 humbje e ndjekur nga Denver që ka 48 fitore e 21 humbje dhe Minnesota që ka 47 fitore e 22 disfata.
Rezultatet e sotme
Orlando – Charlotte, 112-92
Washington – Houston, 114-137
Brooklyn – Nju Orleans, 91-104
San Antonio – Dallas, 107-113
Minnesota – Denver, 112-115
