Në një skenë të ‘veshur’ me ngjyrë të kuqe, po mbahet mbrëmjen e kësaj të enjteje në Pallatin e Koncerteve, nata e tretë e edicionit të 23-të të festivalit Kënga Magjike, e cila transmetohet drejtpërdrejtë ne ekranin e Televizionit Klan.
Ndryshe nga edicionet e shkuara, pas dy netëve gjysmëfinale, këtë të enjte radhën e ka finalja e këngës shqiptare. Janë 20 artistë shqiptarë që performojnë këtë mbrëmje. Artistët e huaj këtë të enjte janë shndërruar në prezantues, “detyrë” që po e bëjnë në Gjuhën Shqipe.
Në fund të mbrëmjes së sotme sipas renditjes në votim do të deklarohen dhe 12 artistët shqiptarë dhe 9 artistët e huaj që do të këndojnë në Grand International Final. Po ashtu juria ka të drejtë të shtojë në Grand International Final një artist shqiptar dhe një të huaj.
Në total, të shtunë në Grand International Final do të performojnë 23 artistë.
Nesër paradite artistët e shpallur pjesëmarrës në Grand International Night, si dhe juria do të votojnë për fituesin e madh të festivalit Kënga Magjike. Ndërsa votave të artistëve pjesëmarrës dhe jurisë në mbrëmjen e së shtunës do t’i shtohet edhe vota e publikut, i cili do të votojë live.
