Ne kemi nisur një masë reformuese që lejon mjekët e familjes të përshkruajnë terapi kronike për pacientët e tyre dhe me këtë të arrijnë ndryshime dhe përmirësime thelbësore për pacientët dhe profesionistët shëndetësorë, deklaroi Ministri i Shëndetësisë Fatmir Mexhiti gjatë vizitës së sotme në ordinancën e Marta Tunxheva, e cila është një mjeke e familjes prej gjatë kohësh.
Ministri Mexhiti bëri vizitën në fillim kur, në praktikë, mjekët e familjes filluan të përshkruajnë terapi për diabetin, astmën, SPOK, funksionin e reduktuar të tiroides dhe hipertensionin.
“Ne po lehtësojmë barrën administrative të mjekëve të familjes si Dr. Tunxheva. Ata nuk do të kenë më nevojë të plotësojnë dokumente administrative dhe vetëm të referojnë pacientët, por do të jenë në gjendje të përshkruajnë terapi për pacientët e tyre. Me këtë, ne forcojmë rolin dhe rëndësinë e tyre në sistemin e kujdesit shëndetësor dhe u mundësojmë atyre të diagnostikojnë pacientët e tyre ”, theksoi Mexhiti.
Ministri i Shëndetësisë Mexhiti theksoi dhe rëndësinë e kontaktit të shpeshtë të mjekëve të familjes me pacientët e tyre, gjendjen shëndetësore të të cilëve ata e njohin shumë mirë, duke vënë në dukje se kjo masë i lejon mjekut të familjes t ‘i kushtojë vëmendje maksimale pacientit.
“Pacientët fitojnë shumë, ata tani do të jenë në gjendje t ‘i marrin këto shërbime nga mjekët e tyre të familjes në vend që të shkojnë në Qendër Klinike ose në kujdesin shëndetësor sekondar dhe terciar. Ata nuk do të kenë nevojë të humbin kohë, të shpenzojnë financiarisht për të bërë një punë të thjeshtë si përshkrimi i terapisë për shembull. Kjo u lehtëson përditshmërinë pacientëve dhe të afërmve të tyre që kujdesen për ta ”- tha Mexhiti.
Si një përfitim shumë i rëndësishëm i reformave, Mexhiti përcaktoi gjithashtu uljen e presionit mbi kujdesin shëndetësor sekondar dhe terciar. Sipas analizave të Ministrisë së Shëndetësisë, rreth 30% e pacientëve që vijnë çdo ditë në Klinikë vijnë tek specialistët për vazhdimin e terapisë ose shërbimeve që me këtë reformë ata do të jenë në gjendje të shkojnë tek mjeku i tyre i familjes.
Ky proces i rëndësishëm i reformës, i cili sjell shumë përfitime për pacientët dhe punonjësit e kujdesit shëndetësor, do të zhvillohet në disa faza, e para që ka filluar tani, tjetra që do të jetë mundësia që mjkët e damiljes të bëjnë një referim për analiza laboratorike, dhe më pas zbatimi i të gjitha pjesëve të tjera të reformës, të cilat kërkojnë një periudhë më të gjatë kohore për realizim” – thonë nga Ministria e Shëndetësisë.
