Vendi ynë, populli ynë po përballet me një shans historik për të vazhduar rrugën evropiane, me synimin për anëtarësim të plotë në BE më së voni deri në vitin 2030. Tani duhet ta shfrytëzojmë atë mundësi, të shfrytëzojmë mbështetjen e fortë dhe konkrete nga aleatët tanë në BE dhe nga partneri ynë strategjik SHBA, thuhet në kumtesën e sotme të LSDM-së.
“Nuk kemi kohë për të humbur dhe për të pritur, e rëndësishme është që opozita të kuptojë përgjegjësinë e saj për arritjen e objektivit strategjik të anëtarësimit në BE.
Është koha që Mickoski dhe të gjithë të tjerët në VMRO-DPMNE të përballen me përgjegjësinë e tyre që të kemi mundësi të marrim një vendim të rëndësishëm për të ardhmen e vendit dhe atë së bashku.
Vota për Evropën në Parlamentin e Maqedonisë është votë për të ardhmen evropiane.
Ne do të arrijmë bashkimin më të mirë kombëtar maqedonas nëse të gjitha partitë kryesore votojnë për ndryshimet kushtetuese dhe hapin rrugën drejt BE-së”, thonë nga LSDM.
Sot do të bëhet e qartë se çfarë kanë vendosur Mickoski, BE dhe bashkimi për të ardhmen evropiane të vendit, apo do të mbetet peng i “Së Majtës”.
