LSDM ka akuzuar Danella Arsovskën dhe VMRO-DPMNE-në se po shkakton kaos në qytetin e Shkupit, përcjellë Klan M.
”Pushteti i paaftë lokal i DPMNE-së në Shkup ka krijuar kaos të paparë, qyteti po mbytet në mbeturina. Përgjegjësia për kaosin është e Mickoskit dhe stafit të DPMNE-së në Shkup.
Kryetarët e paaftë të komunave të DPMNE-së në Shkup, me përtacinë dhe mungesën e kujdesit për nevojat e qytetarëve, janë bashkëfajtorë të drejtpërdrejtë në kaosin me mbeturinat dhe në mosfunksionimin e ndërmarrjeve vendore.
Të njëjtët që e përkrahën Arsovskën në fushatë, të cilët së bashku me Mickoskin kërkuan vota nga Shkupi për të dhe për DPMNE-në, së bashku krijuan problemet në Shkup.
Sa herë që DPMNE merr votën e qytetarëve, ndodh kaos dhe regres.
E shohim që këto ditë në formën më të keqe. VMRO-DPMNE-ja dhe kryetarët e tyre të paaftë nuk mund t’i shpëtojnë vetëm një plehrash, nuk i takon qytetit të zhvillohet.
Në vend të Shkupit modern, qytetarët fituan një qytet të ndotur në të cilin nuk funksionon as transporti publik dhe as asgjë tjetër.
Përtacia, paaftësia dhe duart në mjaltë, këto janë karakteristikat e kryetarëve të VMRO-DPMNE-së dhe Mickoskit” – thuhet në kumtesën e LSDM-së. /KlanMacedonia/
