Tre fitore të ekipeve vendase, dy barazime dhe tre fitore të mysafirëve me gjithësejt 17 gola të shënuar është epilogu i ndeshjeve të javës së katërt në Ligën e dytë futbollit vendor. Pas katër xhirove të zhvilluara Besa e Dobërdollit dhe Kozhufi i Gjevgjelisë janë dy ekipe me pikë maksimale, ndërsa Osogova e Koçanit është skuadra e vetme që nuk ka fituar asnjë pikë.
Besa e Dobërdollit në stadiumin e Vrapçishtit shënoi fitoren e katërt sezonale, kësaj radhe shumë rëndë se sa pritej 2-1 me përmbysje kundër ekipit Kamenica Sasa. Në një ndeshje me cilësi mesataremysafirët të parët kaluan në epërsi në minutën e 27-të me golin e Jordanovskit, mirëpo kjo ishte e tëra që mundin të bëjnëmysafirët në këtë ndeshje pasi vendasit së pari barazuan me një gol të bukur të Fatmir Arif, ndërsa golin e fitores e shënoi Belul Maliqi disa minuta para përfundimit
Bashkimi i Kumanovës pësoi humbjen e parë sezonale dhe at para tifozëve vendas 0-3 kundër Bellasicës,disfatë para në cilësinë e vendasit ka pësuar edhe Arsimi i Çegranit 0-2 nga Kozhufi. Pelisteri në Manastir ka zhgënjyer tifozët vendas me barazimin pa gola me Detonit Pllaçkovica. Pobeda ka shënuar fitore minimale 1-0 kundër Osogovës, Skopje mundi 2-1 Karaormanin, ndërsa ka befasuar Novaci me fitoren 2-0 në transfertë kundër Teteksit në Tetovë.
Rezultatet e xhiros së IV-të: Arsimi – Kozhufi 0-2, Bashkimi – Bellasica 0-3, Besa – Kamenica Sasa 2-1, Ohri – Vardari 2-3, Skopje – Karaormani 2-1, Pelisteri – Detonit Pllaçkovica 0-0, Pobeda – Osogova 1-0 dhe Teteksi – Novaci 0-2.
Tabela: 1.Besa 12 pikë, 2.Kozhufi 12, 3.Pelisteri 10, 4.Detonit Pllaçkovica 10,5.Bashkimi 9, 6.Novaci 9, 7.Pobeda 7, 8.Bellasica 6, 9.Ohri 4, 10.Skopje 4, 11. Arsimi 3, 12. Karaormani 3, 13.Teteksi 3, 14.Vardari 3, 15. Kamenica Sasa 1, 16. Osogova 0 pikë.
Në xhiron e V-të më 17.09. 2023, takohen: Osogova – Ohri, Bellasica – Pobeda, Novaci – Bashkimi, Kamenica Sasa – Teteksi, Detonit Plaçkovica – Besa, Kozhufi – Pelisteri, Karaormani – Arsimi, Vardari – Skopje
/KlanMacedonia/
