Katër fitore të ekipeve vendase, dy barazime dhe dy fitore të ekipeve mysafire me gjithësejt 19 gola të shënuar është epilogu ndeshjeve të xhiros së 10-të në Ligën e dytë futbollit vendor. Besa e Dobërdollit kryeson me 25 pikë para Pelisterit me 21 dhe Detonit Pllaçkovica me 20 pikë
Derbi i kësaj jave ndërmjet Besës dhe Arsimit që u zhvillua në stadiumin e Vrapçishtit para afro 1000 tifozëve përfundoi me fitoren e liderit në tabelën e klasifikimit 2-0 me golat që i shënuan Jasmin Mecinoviq (68’) dhe Alban Taipi (70’). Gjatë 90 minutave loje dy ekipet raste të shumta për të shënuar por fal intervenimeve bravuroze të portierëve Siljanovsli dhe Islami rastet e shumta nuk u konkretizuan. Ajo që vlen të përmendet se skuadra mysafire në minutën e 57 nuk realizoi penalti. Goditjen e Ensar Lumës e mbrojti portieri vendas Dejan Siljanovski i cili ishte figura qendrore në këtë takim të derbit të Pollogut.
Në ndeshjen tjetër derbi Pelisteri me përmbysje mundi Ohrin në “Biljanini Izvori” 3-1, Teteksi mundi Skopjen 2-0, ndërsa Osogova ishte më e mirë se Kozhufi, dike fituar 3:2. Karaormani befasoi Pobedën në Prilep duke fituar 2-1 . Fitore ka shënuar edhe Novaci kundër Kamenica Sasa 1-0. Bashkimi i Kumanovës nuk arriti të fiton tri pikë në përballjen me Vardarin e Negotinës pasi ndeshja ka përfunduar me barazim 1-1, me barazim ka përfunduar edhe përballja në Strumicë mes Bellasicës dhe Detonit Pllaçkovica
Java e 10-të, rezultatet: Besa – Arsimi 2-0, Bashkimi – Vardari 1-1, Belasica – Detonit Plaçkovica 0-0, Novaci – Kamenica Sasa 1-0, Ohri – Pelisteri 1-3, Osogova – Kozhufi 3-2, Pobeda – Karaormani 1-2 dhe Teteksi – Skopje 2-0
Tabela:
1.Besa 25 pikë, 2.Pelisteri 21, 3. Detonit Pllaçkovica 20, 4.Ohri 19, 5.Teteksi 17, 6.Bashkimi 17, 7.Bellasica 16, 8.Kozhufi 16, 9.Novaci 13, 10. Pobeda 12, 11.Arsimi 10, 12.Osogova 10, 13.Skopje 9, 14.Vardari 8, 15.Karaormani 7 dhe 16.Kamenica Sasa 6 pikë
Në xhiron e 11-të takohen: Arsimi – Teteksi, Detonit Pllaçkovica – Novaci, FK Skopje – Bashkimi, Kamenica Sasa – Ohridi, Karaormani – Osogovo, Kozhufi – Bellasica, Pelisteri – Besa 1976, Vardari – Pobeda
