Katër fitore të ekipeve vendase dhe katër të atyre mysafire me 25 gola të shënuar është epilogu i ndeshjeve të javës së 7-të në Ligën e dytë. Tabelën e vetmuar e kryeson Besa e Dobërdollit me 18 pikë, para Pelisterit dhe Detonit Pllaçkovica me nga 16 pikë.
Besa e Dobërdollit nga Struga kthehet me tri pike të mëdha, pas fitores 2-0 kundër Karaormanit . Autor të golave për ekipin e Dobërdollit ishin Beluli në minutën e 5-të të pjesës së pare dhe të Alban Taipit në minutën e 81-të. Me tri pikët e reja Besa kryeson tabelën tani e vetmuar me 18 pikë.
Fitore befasuese ka shënuar Teteksi në transfertë kundër ekipit favorite Kozhufit në Gjevgjeli me rezultatin 4-3. Fitore jashtë terrenit vendas ka shënuar edhe Pelisteri, kundër Vardarit në Negotinë, Ohri kundër Bellasicës në Strumicë dhe Osogova kundër Novacit në Manastir.
Në Lagjen e Autokomandës, Skopje mundi Arsimin 1- 0, ndërsa Detonit Pllaçkovica demoloi Bashkimin 7-0
Në xhiron e 8-të, më 8.10.2023 me fillim në ora 14:00, takohen: Ohri – Arsimi, Pelisteri – Skopje, Besa – Vardari, Teteksi – Karaormani, Bashkimi – Kozhufi, Pobeda – Detonit Pllaçkovica, Osogova – Kamenica Sasa, Bellasica – Novaci.
