Ministrja e Kulturës dhe nënkryetarja e LSDM-së, Bisera Kostadinovska Stojçevska, në emisionin Klan Debat me Lubisha Nikolovskin, tha se listat përfundimtare të LSDM-së në të gjashtë njësitë zgjedhore do të përcaktohen në kongresin e së shtunës. Sipas Stojçevskës, kandidatët për deputetë kalojnë nëpër një filtër të caktuar në organizatat komunale.
“Ne avokohemi për përfaqësim të barabartë të grave në lista bartëse, parimi mashkull-femër. Pjesëmarrja në lista nuk është vendimtare për pjesëmarrjen tonë në procesin zgjedhor në promovimin e programit zgjedhor. Ne konsiderohemi një parti ku kemi një nivel të lartë demokracie. Si parti politike, sa herë që ishim në pushtet, u tregua se duhej të merrnim vendimet më të vështira, gjë që u reflektua edhe në vlerësimin e partisë. Por ende jemi të bindur se qytetarët do të na japin sërish besimin e tyre”, thotë Kostadinovska-Stojçevska.
Kostadinovska-Stojçevska akuzoi VMRO DPMNE-në se ka krijuar kaos dhe panik nga të gjitha proceset në shtet.
“Ne qëndrojmë për anëtarësim të plotë në BE, ndërsa VMRO DPMNE vazhdimisht është në panik, duke krijuar një kaos të proceseve që duhet të menaxhohen. Ministri i Punës dhe Politikës Sociale, Velkovski, nuk vjen fare në Qeveri, por është zhytur në një proces që është karakteristik për ta dhe akuzon pa argumente. Kemi pasur zgjedhje çdo dy vjet e gjysmë dhe ka pasur abuzime të administratës publike. Këtë nuk duhet ta lejojmë”, thekson Kostadinovska-Stojçevska.
LSDM-ja vendosi ta mbështesë kandidatin për president Stevo Pendarovski për faktin se ai ka treguar kapacitet për të bashkuar të gjithë qytetarët në vend dhe ka vizion për anëtarësim strategjik të vendit tonë në BE.
