Familjes së madhe të klubeve të karatesë në vendin tonë i është shtuar edhe klubi i karatesë “Khalid” me seli në fshatin Xhepçishtë të Komunës së Tetovës, që drejtohet nga një entuziastë mjeshtri i ri Albion Idrizi, ish anëtar i klubit të karatesë Shkëndija që posedon Brezin e Zi.
“Ishte nevojë e kohës që të themelojmë edhe një ekip të arteve parciale më saktësisht të sportit të karatesë në vendbanimin tonë dhe fshatrave përreth, ku interesimi i të rinjve për sportin e karatesë vërtet është i madh” tha themeluesi i kë klubi Albion Idrizi dhe shtoi “Krahas fëmijë nga vendbanimi ynë, kemi një numër të konsiderueshëm të talenteve edhe nga fshati Përshevcë, komuna e Tearcës. Kemi kushte relativisht të mirë, kemi hapësira e duhura për përgatitje andaj besoj se në një të ardhme të afërt o të krenohemi me rezultatet e garuesve tanë”
Klubi i karatesë “Khalid”me themelimin e saj ka marrë pjesë në disa turne të organizuar në Shkup, Tetovë dhe në Strugë. Në turneun ndërkombëtarë të karatesë “Struga Open 2023” që u mbajt në fundjavën që lamë pas ekipi i Albion Idrizit, mori pjesë me 10 garues të moshave të ndryshme dhe arriti të fitoi gjashtë medalje që paraqet një sukses për këta të rinj të cilët kanë ardhmëri si Lina Ameti, Muhamed Idrizi , Blina Bilalli, Leart Bajrami , Arba Memeti dhe Shkëmb Sabriu
