Policia spanjolle ka njoftuar të premten se ka arrestuar dy burra që dyshohen të kenë vjedhur një valixhe, brenda së cilës kishte stoli dhe para në vlerë prej rreth 9 milionë dollarësh.
Autoritetet thanë se besohet se çanta i takonte dikujt prej pasagjerëve që po fluturonte nga aeroporti i Barcelonës, ndërsa mediet raportuan se ajo ishte pronë e një udhëtari rus, shkruan AP, transmeton Klan Kosova.
Policia konfirmoi se në valixhe kishte stoli dhe orë, përfshirë një unazë 47 karatësh në vlerë prej 5 milionë dollarësh.
Po ashtu, në çantë u gjetën edhe 20 mijë euro, në kartëmonedha të ndryshme.
Të dyshuarit u kapën në një makinë, teksa po dilnin nga Barcelona.
