Ministria e Punëve të Brendshme njofton se është parashtruar padi penale ndaj 23-vjeçarit A.T. nga Shkupi.
I njëjti dyshohet për “prodhim dhe përdorim të kartelës së rreme bankare”.
“I raportuari, gjatë muajit mars 2022 ka marrë në mënyrë të kundërligjshme të dhëna bankare nga një kartelë e vërtetë bankare si dhe të dhëna personale nga poseduesi, pas së cilës i ka përdorur për të kryer 16 transaksione të paautorizuara për blerje/pagesë të shërbimeve të ndryshme, në vlerë totale prej 31.659 denarëve. Në këtë mënyrë ai është pasuruar në mënyrë të kundërligjshme”, thonë nga MPB.
