Portieri nga Turqia, 29 vjeçar Erten Ersu, nga dita e sotme zyrtarisht është portier i ri i klubit të futbollit Gostivari. Erten Ersu i lindur më 21.04.1994 në Stamboll pjesën më të madhe të karrierës së tij nga viti 2010 deri në vitin 2016 e ka kaluar në Fenerbahçe, në sezonin 2016/17 ishte pjesë e ekipit Gaziantepspor, që më pas në sezonin 2017/20 serish ishte te Fenrebahçe prej ku kaloi te Konyaspor deri në verën e 2023 në 6 muajt e fundit sërish kaloi te Gaziantepspor prej ku erdhi te Gostivari.
Informatat nga KF Gostivari flasin se portieri turk Erten Ersu ka firmos kontratë 18 mujore që do të thotë se ai duhet të qëndroj deri në fund të sezonit 2024/25.
Portieri Erten Ersu ishte i pranishëm që në seancën e parë stërvitore të martën kur ekipi nisi përgatitjet për sezonin pranveror./KlanMacedonia
