Ish-ambasadorët Muhamed Halili dhe Nano Ruzhin janë të bindur se do të duhet të ketë kompromis dhe lëshime për ndryshime në Kushtetutë për të mundësuar integrimin më të shpejtë të shtetit në familjen evropiane.
Sipas tyre, problem më i madh është niveli i lartë i korrupsionit, gjë që theksohet në raportin e fundit të Freedom House.
“Raporti i Freedom House është shumë i ashpër në fushën e korrupsionit dhe sundimit të ligjit. Të gjitha partitë politike të shqiptarëve në program kërkojnë që të hapet Kushtetuta dhe të hyjmë në BE, kërkojnë kompromis, këtë do ta ketë edhe VMRO DPMNE, këtu nuk ka dyshime. Unë personalisht mendoj se qeveria aktuale e përdor integrimin si alibi dhe problemi kryesor është korrupsioni. Ndryshimi i Preambulës së Kushtetutës është një detyrë sizife. Me marrëveshjen e Prespës fitoi Dimitrov dhe humbën të gjithë liderët e partive politike të shqiptarëve. Dimitrov arriti të shkruajë gjuhën maqedonase si gjuhë të vetme zyrtare. Të gjitha betejat politike në preambulë ishin më të vështirat, por definicioni është në preambulë”, thotë Halili.
Sipas analistit dhe ish-anëtarit të KiE të VMRO DPMNE-së, Aleksandar Pandov, askush në VMRO DPMNE nuk ka menduar se është e tmerrshme që bullgarët të hyjnë në Kushtetutë, por ajo nuk duhet të jetë nën diktimin bullgar.
“Më jepni garanci nga BE-ja se nuk do të ketë veto dhe bllokada të reja. Kemi tre kërkesa, të pranojmë se në Bullgari ka maqedonas. BE-ja të ndajë burime financiare. Besoj se sinqerisht do të gjejmë bashkëbisedues me ndihmën e SHBA-së, Pendarovski po e gënjen popullin se nëse i futim bullgarët në kushtetutë do të kemi parajsë”, tha Pandov.
Ai pretendon se Qeveria do ta themelojë VMRO DPMNE-në.
Kryetar i Qeverisë do të jetë Hristijan Mickoski dhe do të bëjnë koalicion me opozitën shqiptare. BDI dhe LSDM do të shkojnë në opozitë.
Për ish-ambasadorin, Nano Ruzhin, euroskepticizmi ishte i justifikuar.
“Në të kaluarën janë marrë vendime të guximshme, duke filluar nga marrëveshjet e Ohrit dhe Prespës, të cilat janë realizuar nga LSDM dhe BDI. Populli kërkon të premtohet, ndaj politikani ndonjëherë detyrohet të gënjejë. Politikanët duhet të ballafaqohen me popullin, nëse arrini të formoni qeveri, si prisni të sillet p.sh. Fajin e kanë të gjithë politikanët që u vonuam në të gjitha proceset reformuese”, tha Ruzhin në Klan Debat me Ljubisha Nikollovskin. /TvKlan.mk
