Iraku ka ekzekutuar 11 militantë të dënuar me vdekje për akuzat për terrorizëm, thanë të enjten zyrtarët lokalë të sigurisë.
Ekzekutimet u kryen të hënën në një burg në qytetin jugor të Irakut, Nassiriya dhe të gjithë të ekzekutuarit ishin shtetas irakianë, tha një oficer policie burgu dhe një zyrtar i sigurisë lokale.
Ata nuk pranuan t’u bënin të ditur emrat sepse nuk ishin të autorizuar të flisnin me media.
Ata thanë se 11 burrat u dënuan për bashkim me grupin militant të Shtetit Islamik dhe për pjesëmarrje në “aksione terroriste”.
